Kuching: Family Day 09

Sebuleng ratnan aktiviti luk inatur Persatuan Lun Bawang Cawangan Kuching nangun 1-aco bulan Waluh 2009 ieneh “Family Day” dai’ Dewan Serbaguna Ibu Pejabat Bomba Sarawak.

Ulek pemung Family Day 2009 luk tu tu ineh, Persatuan Lun Bawang Cawangan Kuching pian ngemung keahlian rat kinanak-kinanak tau luk na te’ register mangun ku ahli Persatuan Lun Bawang Sarawak. Bang kareb luk mepad, tau pana’ pian ngepicet rurum arang uned tau luk jarang mepapu’ ngaceku sibuk dengan kekemen manid-manid.

Agan pena’ aco luk litep kuan Family Day ineh inan mula’ aktiviti-aktiviti baken mangun, iamo’ mula’ teh lun tau luk nacing ine’ pad-pad ngerayeh aco ineh. Anak-anak dari luk abud awang niat ngaceku ideh inan babpat bang aco ineh. Amung aktiviti-aktiviti luk litep mangun bang kareb ineh nalan dengan do’.

Aktiviti-aktiviti luk dinalan tebeco aco ineh:
1. Badminton
2. Bola tampar
3. Pertandingan mewarna
4. Sukaneka
5. Pasui akan tradisional Lun Bawang
6. Alai poco poco
7. Pemberian sijil kuan anak-anak adi tau luk ame merot bul mewakili cawangan Kuching kareb Irau Aco Lun Bawang luk nepangeh.

Kinula’ lun luk nacing arang 100-200 burur. Luk nacing pad-pad teh bang ngerayeh aco Family Day ieneh Setiausaha Agung Persatuan Lun Bawang Sarawak, Daniel Puneng dan ahli-ahli komiti rayeh Persatuan Lun Bawang Sarawak Cawangan Kuching.

Gaber-gaber aktiviti kareb Family Day 2009:

Gaber-gaber Family Day 2009 bang Facebook:
Cynthia Alau Serag –  Lun Bawang Family Day 2009 (LBA Kuching)
Patricia Valerie – LunBawang Family Day

You may also like...

css.php